द्राक्षांना मिळतो कमी बाजार भाव शेतकऱ्यांची मेहनत फुकट जाते.

द्राक्षांना मिळतो कमी बाजार भाव शेतकऱ्यांची मेहनत फुकट जाते.

द्राक्षांना मिळतो कमी बाजार भाव शेतकऱ्यांची मेहनत फुकट जाते.

द्राक्ष हे जगातील अतिशय लोकप्रिय पीक आहे आणि बहुतेक देशांमध्ये व्यावसायिकरित्या घेतले जाते. ही एक बारमाही आणि पानझडी वृक्षारोपण करणारी वेल आहे. हे व्हिटॅमिन बी आणि खनिजे जसे की कॅल्शियम, फॉस्फरस आणि लोह यांचा चांगला स्रोत आहे. द्राक्षे कच्च्या खाण्यासाठी वापरली जातात आणि जेली, जाम, मनुका, व्हिनेगर, रस, बियाणे तेल आणि द्राक्षाच्या बियांचे अर्क यांसारख्या विविध उत्पादनांसाठी वापरली जातात. द्राक्ष शेती प्रामुख्याने फ्रान्स, अमेरिका, तुर्की, दक्षिण आफ्रिका, चीन, पोर्तुगाल, अर्जेंटिना, इराण, इटली, चिली या देशांमध्ये केली जाते. यापैकी चीन हा द्राक्ष शेती करणारा सर्वात मोठा देश आहे. याचे आरोग्यदायी फायदे देखील आहेत जसे की ते मधुमेह नियंत्रित करण्यासाठी, दमा, हृदयाच्या समस्या, बद्धकोष्ठता, हाडांचे आरोग्य इत्यादीपासून मुक्त करण्यासाठी वापरले जाते. त्वचा आणि केसांच्या आरोग्याशी संबंधित समस्यांसाठी देखील हे उपयुक्त आहे.

द्राक्षांना मिळतो कमी बाजार भाव शेतकऱ्यांची मेहनत फुकट जाते.

द्राक्षांना मिळतो कमी बाजार भाव शेतकऱ्यांची मेहनत फुकट जाते.
भारताची “द्राक्ष राजधानी” म्हणून नाशिक ओळखले जाते. देशातील आघाडीचे द्राक्ष उत्पादक नाशिकमध्ये आहे. देशात होणाऱ्या एकूण द्राक्ष निर्यातीपैकी 55 टक्के निर्यात महाराष्ट्रातून होते. तसेच महाराष्ट्रातील निर्यातीपैकी 75 टक्के निर्यात नाशिक जिल्ह्यामधून होते. सध्या नाशिक जिल्ह्यातील बहुतेक सर्वच द्राक्षबागांमधील द्राक्ष विक्री योग्य झाला आहे. परंतु सरकारच्या धोरणामुळे खरेदीदार नाही. यामुळे कमी भावात माल विक्रीची नामुष्की शेतकऱ्यांवर ओढवली आहे.

शेतकऱ्यांनी केली ही मागणी

निफाड तालुक्यातील नैताळे येथील द्राक्ष उत्पादक शेतकरी राजेंद्र बोरगुडे यांनी 30 एकरावर द्राक्ष बागेची लागवड केली. एकरी 2 लाख रुपये खर्च केला. आता मिळणाऱ्या बाजार भावातून उत्पादन खर्च निघणे अवघड झाला आहे. यामुळे केंद्र सरकारने कांद्यावरील निर्यातबंदी हटवावी, तसेच बांगलादेशेतील आयात शुल्क दर रद्द करण्यासाठी हस्ताक्षेप करावा अशी मागणी द्राक्ष उत्पादक शेतकरी राजेंद्र बोरगुडे यांनी केली आहे.

द्राक्षांवर 103 रुपये आयात शुल्क

कांदा निर्यातबंदी केल्याने बांगलादेशाने द्राक्षावर अतिरिक्त खर्च काढण्यासाठी शुल्क लावले आहे. बांगलादेशाने आयात होणाऱ्या द्राक्षांवर 103 रुपये आयात शुल्क लावले आहे. यामुळे भारतीय द्राक्षांचे बाजार भाव कोसळले आहेत. 40 ते 50 रुपये दराने विक्री होणाऱ्या द्राक्षांना आता 20 ते 25 रुपये दर मिळत आहेत. यामुळे द्राक्षांची पंढरी म्हणून ओळख असलेल्या नाशिक आणि सोलापूर जिल्ह्यातील द्राक्ष उत्पादकांच्या चिंतेत वाढ झाली.

शेतकऱ्यांसाठी शेती करणे अवघड होऊ लागली आहे. कधी ओला दुष्काळ, कधी कोरडा दुष्काळ, कधी अवकाळी पाऊस यामधून सुटल्यानंतर चांगले उत्पादन आल्यास शेतमालास दर मिळत नाही. कधी शेतमालास दर मिळाल्यास सरकारकडून निर्यातबंदीची घोषणा केली जाते. यामुळे शेतमालाचे दर बाजारात कोसळतात. केंद्र सरकारने ३१ मार्च २०२४ पर्यंत कांदा निर्यात बंदी करण्याचे आदेश ८ डिसेंबर रोजी काढले होते. त्यानंतर कांद्याचे दर चार हजारांवरुन आता हजारापर्यंत आले आहे. कांद्याबाबत घेतलेल्या त्या निर्णयामुळे द्राक्ष उत्पादक शेतकरी अडचणीत आले आहेत. यामुळे द्राक्षाचे भाव कोसळले आहे.

द्राक्षांना मिळतो कमी बाजार भाव शेतकऱ्यांची मेहनत फुकट जाते.

द्राक्षांना मिळतो कमी बाजार भाव शेतकऱ्यांची मेहनत फुकट जाते.

Leave a Comment